பயங்கரவாதிகளுக்கு இனி பாதுகாப்பான இடமே இல்லை

அமித் ஷா

- 

'ஆபரேஷன் சிந்தூர்' நடவடிக்கையால் பாகிஸ்தானில் உள்ள பயங்கரவாத அமைப்புகளின் தலைமை அலுவலகங்கள், பயிற்சி மையங்கள் ஆகியவை தகர்க்கப்பட்டதால் பயங்கரவாதிகளுக்கு இனி பாதுகாப்பான இடமே இல்லை என்ற நிலை தோன்றியுள்ளதாக மத்திய உள்துறை அமைச்சர் அமித் ஷா தெரிவித்துள்ளார்.

ஹரியாணா மாநிலம், மானேசர் நகரில் என்எஸ்ஜி படைப்பிரிவின் கருப்புப் பூனை கமாண்டோ பிரிவின் தலைமையகத்தில் 41-ஆவது நிறுவன தின விழா செவ்வாய்க்கிழமை நடைபெற்றது. இதில் பங்கேற்று அமித் ஷா பேசியதாவது:

பாகிஸ்தானில் உள்ள பயங்கரவாத அமைப்புகளின் தலைமை அலுவலகங்கள், பயிற்சி மையங்கள், பதுங்குமிடங்கள் ஆகியவை தகர்க்கப்பட்டதை 'ஆபரேஷன் சிந்தூர்' நடவடிக்கை உறுதிப்படுத்தியது. பஹல்காம் தாக்குதலை நடத்திய பயங்கரவாதிகளை ஒழித்துக்கட்ட 'ஆபரேஷன் மஹாதேவ்' நடவடிக்கையை நமது பாதுகாப்புப் படையினர் எடுத்தனர். பாதுகாப்புப் படையினர் மீதான நமது குடிமக்களின் நம்பிக்கையை இந்த நடவடிக்கை வலுப்படுத்தியது.