ஜிஎஸ்டி குறைப்பு: தமிழகம் பெறும் பலன்கள்!

ஜிஎஸ்டி சீர்திருத்தம் கடந்த செப்டம்பர் 22-ஆம் தேதிமுதல் நடைமுறைக்கு வந்துள்ளது. 5%, 12%, 18%, 28% என நான்கு விகிதங்களில் இருந்த வரிவிதிப்பு முறை 5%, 12% என மாற்றியமைக்கப்பட்டுள்ளது. அன்றாட பயன்பாட்டுப் பொருள்கள் 90 சதவீதம் 5% ஜிஎஸ்டிக்குள் கொண்டுவரப்பட்டிருப்பதால் பொதுமக்களுக்கு மிகுந்த பலன் கிடைக்கும் என எதிர்பார்க்கப்படுகிறது.

- 

ஜிஎஸ்டி விகிதக் குறைப்பால் தமிழகத்தின் தொழில் துறை எவ்வாறெல்லாம் பலன் பெறும் என மத்திய அரசு தெரிவித்துள்ளது. அதன் விவரம்: பாரம்பரிய கைத்தறிப் பொருள்கள், கைவினைப் பொருள்கள், தொழில் துறையினர், ஆட்டோமொபைல், மின்னணுவியல், புதுப்பிக்கத்தக்க எரிசக்தி மற்றும் பாதுகாப்புத் தளவாடங்களைத் தயாரிப்போர் நேரடி நன்மையைப் பெறுகின்றனர்.

திருப்பூரின் பின்னலாடைத் தொழிலாளர்கள், காஞ்சிபுரம் நெசவாளர்கள், பொள்ளாச்சி தென்னை நார் பொருள் உற்பத்தி தொழிலாளர்கள், நாகப்பட்டினம் மீனவர்கள், ஸ்ரீபெரும்புதூர் ஆட்டோமொபைல் தொழிலாளர்கள், ஆவடி பொறியாளர்கள் உள்ளிட்டோர் பயனடைவார்கள்.