மோடியின் தாயாரை அவமதித்த எதிர்க்கட்சிகளுக்கு பிகார் மக்கள் பதிலடி தருவர்

ஜெ.பி.நட்டா

- 

பாட்னா, செப். 13: பிரதமர் நரேந்திர மோடியின் மறைந்த தாயாரை தொடர்ந்து அவமதிப்பதற்காக காங்கிரஸ் உள்ளிட்ட எதிர்க்கட்சிகளுக்கு பிகார் மக்கள் உரிய பதிலடி தருவார்கள் என்று பாஜக தேசியத் தலைவர் ஜெ.பி.நட்டா தெரிவித்தார்.

பிரதமர் மோடியின் தாயார் பேசுவதைப் போன்ற செயற்கை நுண்ணறிவு தொழில்நுட்பத்தில் உருவாக்கப்பட்ட விடியோவை சிலர் உருவாக்கினர். அந்த விடியோ காட்சியை காங்கிரஸ் கட்சி தனது சமூக ஊடகப் பக்கத்தில் பகிர்ந்திருந்தது. இதற்கு பாஜக கண்டனம் தெரிவித்துள்ளது. இது தொடர்பாக அக்கட்சியின் தேசியத் தலைவர் ஜெ.பி.நட்டா, பிகார் மாநிலத் தலைநகர் பாட்னாவில் செய்தியாளர்களிடம் சனிக்கிழமை கூறியதாவது:

மோடியின் தாயாரைப் பற்றி காங்கிரஸ் மற்றும் அதன் கூட்டணி கட்சிகளால் தூண்டப்பட்ட சிலரால் தொடர்ந்து அவதூறுகள் பரப்பப்படுகின்றன. அவர்கள் இழிவான மனநிலையைக் கொண்டிருப்பதை காங்கிரஸ் கட்சி அண்மையில் வெளியிட்ட விடியோ உறுதிப்படுத்துகிறது.