அணு மையங்களைக் கண்காணிக்க ஈரான் ஒப்புதல்: ஐஏஇஏ

ஈரான் அணுசக்தி மையங்களைக் கண்காணிக்க அந்த நாடு ஒப்புக் கொண்டதாக ஐ.நா. அணுசக்தி கண்காணிப்பு அமைப்பான ஐஏஇஏ தெரிவித்தது.

- 

வியன்னா, செப். 10:

இதுகுறித்து இந்த அமைப்பின் பொது இயக்குநர் ரஃபேல் கிராஸி புதன்கிழமை கூறுகையில், அமெரிக்காவும், இஸ்ரேலும் அண்மையில் தாக்குதல் நடத்திய பகுதிகளில் இருந்த அணுசக்தி பொருள்கள் தற்போது எங்கு வைக்கப்பட்டன என்பது குறித்து ஐஏஇஏ-விடம் தெரியப்படுத்த ஈரான் ஒப்புக்கொண்டுள்ளதாகக் கூறினார்.

அவருக்கும் ஈரான் வெளியுறவுத் துறை அமைச்சர் அப்பாஸ் அராக்சிக்கும் இடையே, எகிப்து வெளியுறவுத் துறை அமைச்சர் பதர் அப்தலாட்டி முன்னிலையில் செவ்வாய்க்கிழமை ஒப்பந்தம் மேற்கொள்ளப்பட்டது (படம்). அதன் அடிப்படையில் ஈரான் தற்போது இந்த ஒப்புதலை அளித்தது.