பதவிப் பறிப்பு மசோதா: மக்களாட்சியின் வேரில் வெந்நீர் ஊற்றும் செயல்

முதல்வர்கள், அமைச்சர்களைப் பதவி நீக்க வகை செய்யும் மசோதா கருப்பு மசோதா எனவும், மக்களாட்சியின் வேரில் வெந்நீர் ஊற்றும் செயல் என்றும் முதல்வர் மு.க.ஸ்டாலின் விமர்சித்துள்ளார்.

- 

சென்னை, ஆக. 20:

இதுகுறித்து, எக்ஸ் தளத்தில் அவர் புதன்கிழமை வெளியிட்ட பதிவு: 130-ஆவது அரசமைப்புச் சட்டத் திருத்தம் என்பது சீர்திருத்தம் அல்ல; இது ஒரு கருப்பு நாள். இது ஒரு கொடுஞ்சட்டம்.

கைதாகி 30 நாள்கள் சிறையில் இருந்தால், மக்களால் தேர்ந்தெடுக்கப்பட்ட முதல்வரை எந்த விசாரணையும், நீதிமன்றத் தண்டிப்பும் இல்லாமலேயே பதவிநீக்கம் செய்யலாம். பாஜக வைத்ததுதான் சட்டம். வாக்குகளைத் திருடு, எதிராளிகளின் குரலை நசுக்கு, தேர்ந்தெடுக்கப்பட்ட அரசுகளை ஒடுக்கு என அனைத்து கொடுங்கோன்மையும் இப்படித்தான் தொடங்கும்.