நாமக்கல் பண்ணைகளில் 40% முட்டைகள் தேக்கம்?

பள்ளிகளுக்கு கோடை விடுமுறை, மயோனைஸுக்கு ஓராண்டு தடை போன்றவற்றால் மொத்த உற்பத்தியில் 40 சதவீதம் முட்டைகள் பண்ணைகளில் தேக்கம் அடைந்துள்ளதாக கூறப்படுகிறது.

- 

நாமக்கல், ஏப். 26:

அவற்றை கத்தார், மாலத்தீவு, ஓமன் போன்ற நாடுகளுக்கு ஏற்றுமதி செய்யும் நடவடிக்கையில் கோழிப் பண்ணையாளர்கள் ஈடுபட்டுள்ளனர்.

இந்தியாவில் உள்ள 23 தேசிய முட்டை ஒருங்கிணைப்புக் குழு மண்டலங்களில், 1000 கோழிப் பண்ணைகளுடன் நாள்தோறும் 6 கோடி முட்டைகளை உற்பத்தி செய்து ஏற்றுமதியிலும், விற்பனையிலும் முன்னிலை வகிக்கிறது நாமக்கல் மண்டலம்.

மொத்த உற்பத்தியில், 1.50 கோடி முட்டைகள் சத்துணவுக்கும், 2.50 கோடி முட்டைகள் உள்ளூர் தேவைக்கும், ஒரு கோடி முட்டைகள் வெளிமாநிலங்களுக்கும், மேலும் ஒரு கோடி ஏற்றுமதிக்கும் அனுப்பி வைக்கப்படுகின்றன.