கும்பகோணம் கொழுந்து வெற்றிலை

‘கருங்கை நதி புறத்து கோதுமை பண்டம் காவிரி வெற்றிலைக்கு மாறு கொள்வோம்’ என 1900 ஆம் ஆண்டுகளில் பாடினார் மகாகவி பாரதி.

- வி.என்.ராகவன்

இப்பாடல் வரி மூலம் காவிரி ஆற்றுப் படுகையில் விளைந்த வெற்றிலை வட மாநிலங்களுக்கு ஏற்றுமதி செய்யப்பட்டது என்பது தெரிய வருகிறது.

பூம்புகாருக்கு அருகிலுள்ள ராதாநல்லூர் சிவன் கோயில் கல்வெட்டுகள், உறையூர், திருக்காம்புலியூரில் மேற்கொள்ளப்பட்ட அகழாய்வில் கிடைத்த கி.பி. 10 முதல் 14 ஆம் நூற்றாண்டைச் சார்ந்த பாக்கு வெட்டிகள் ஆகியவை காவிரிப் படுகையில் பல நூறு ஆண்டுகளாக கும்பகோணம் வெற்றிலை சாகுபடி செய்யப்படுவதும், சுப நிகழ்ச்சிகளில் கும்பகோணம் வெற்றிலை முக்கிய அங்கம் வகிப்பதையும் அறிய முடிகிறது.