கள்ள ஆசைகள்!

வாய் பேசும் கருத்து ஒன்றாக இருக்கும்; உள்மனம் நினைத்துக் கொண்டிருப்பது வேறாக இருக்கும். வாய் வேண்டாம் என்று சொல்லும்; மனதுக்குள் கண்டிப்பாய் வேண்டும் என்னும் ஆசை மறைந்திருக்கும்.

- வழக்குரைஞர் த.இராமலிங்கம்

வழக்குரைஞர் த.இராமலிங்கம்

வாய் பேசும் கருத்து ஒன்றாக இருக்கும்; உள்மனம் நினைத்துக் கொண்டிருப்பது வேறாக இருக்கும். வாய் வேண்டாம் என்று சொல்லும்; மனதுக்குள் கண்டிப்பாய் வேண்டும் என்னும் ஆசை மறைந்திருக்கும். பணம் மீதோ, பதவிகள் மீதோ, புகழ் மீதோ எனக்கு ஈடுபாடு கிடையவே கிடையாது என்று எல்லாரையும் நாக்கு நம்ப வைக்கும்; ஆனால் மனம் அவற்றை நோக்கியே ஓடிக்கொண்டிருக்கும். இதை 'மறைவான உள்நோக்கம்' என்று சொல்வார்கள். இது எல்லா செயல்களிலும் மனிதர்களிடம் மறைந்திருக்கவே செய்கிறது.

இப்படிப்பட்ட குணம் இல்லாத மனிதர்களைக் காண்பது அபூர்வத்திலும் அபூர்வம். அப்படி ஒருவனை, நாம் பின்பற்றத் தகுந்தவனாகக் கம்பன் காட்டுகிறான். இராமனின் உடன் பிறந்த தம்பியாகிய பரதனே அவன். 'பிறந்து வளர்ந்த நிலையில், தோற்றத்தாலும், குணநலன்களாலும் இராமனையே ஒத்திருந்தவன் பரதன்' என்று விசுவாமித்திரன், சனக மன்னனிடம் சொன்னான். 'முமையின் நிறை குணத்தவன்; நின்னினும் நல்லவன்' என்பன கோசலையின் சொற்கள். 'உன்னைவிட நல்லவன்; மூன்று மடங்கு நற்குணங்கள் உடையவன்' என்று இராமனிடமே கோசலை சொன்னதாகக் காட்சி.