உலகம் முழுவதும் தமிழ்க் கலைகளைப் பரப்ப அரசு துணை நிற்கும்

முதல்வர் மு.க.ஸ்டாலின்

- 

'உலகம் முழுவதும் சென்று தமிழ்க் கலைகளைப் பரப்ப கலைஞர்களுக்கு தமிழ்நாடு அரசு துணை நிற்கும்' என முதல்வர் மு.க. ஸ்டாலின் தெரிவித்தார்.

தமிழக அரசு சார்பில் கலைமாமணி விருது வழங்கும் விழா சென்னையில் சனிக்கிழமை நடைபெற்றது. இதில் கலைஞர்களுக்கு விருதுகளை வழங்கி முதல்வர் ஸ்டாலின் பேசியதாவது:

விருது பெற்றுள்ள பெரும்பாலானோர் எனக்கு நன்கு அறிமுகமானவர்கள். மூத்த கலைஞர்கள் மட்டுமன்றி, இளம் கலைஞர்களும் அடையாளம் காணப்பட்டு விருதுகள் தரப்பட்டுள்ளன. இதன்மூலம், மிகச் சரியானவர்களுக்கே விருதுகள் வழங்கப்பட்டுள்ளன. 90 வயதான முத்துக்கண்ணாம்மாளும், இளம் இசையமைப்பாளர் அனிருத்தும் விருது பெறுகிறார்கள். அந்த வகையில், இது மிகச்சிறப்பான விழாவாகும்.