கரூர் சம்பவம்: முழு உண்மையும் சிறப்புக் குழு விசாரணையில் வெளிவரும்

முதல்வர் மு.க.ஸ்டாலின் உறுதி

- 

கரூர் துயர சம்பவம் தொடர்பான சிறப்பு விசாரணைக் குழு மூலம் முழு உண்மையையும் வெளிக்கொண்டு வருவோம் என்று முதல்வர் மு.க.ஸ்டாலின் உறுதிபடத் தெரிவித்துள்ளார்.

இதுகுறித்து, 'எக்ஸ்' தளத்தில் அவர் சனிக்கிழமை வெளியிட்ட பதிவு: கரூர் துயரம் குறித்து உயர் நீதிமன்றம் கூறியுள்ள கருத்துகள், வழிகாட்டுதல்கள் அனைத்தையும் தமிழ்நாடு அரசு மிகத் தீவிரமாகக் கவனத்தில்கொண்டு செயலாற்றி வருகிறது. தம் அன்புக்குரியவர்களை இழந்து தவிக்கும் ஒவ்வொரு குடும்பத்தின் கண்ணீரையும் கண்டு தவிக்கிறேன். உயர்நீதிமன்ற உத்தரவின்பேரில், அமைக்கப்பட்டுள்ள சிறப்புப் புலனாய்வுக் குழு தனது விசாரணையைத் தொடங்கும்.

இதன்மூலம், முழு உண்மையையும் வெளிக்கொண்டு வருவோம் என்று மாநிலத்தின் முதல்வராக மக்களுக்கு உறுதியளிக்கிறேன். அனைத்து நிலைகளிலும் பொறுப்புகள் உறுதி செய்யப்படும்.