தமிழகத்தில் கூட்டணி ஆட்சி சாத்தியம்

மற்ற மாநிலங்களைப் போல தமிழகத்திலும் கூட்டணி ஆட்சி சாத்தியம் என்றார் புதிய தமிழகம் கட்சியின் நிறுவனர்- தலைவர் டாக்டர் க. கிருஷ்ணசாமி.

- 

திருநெல்வேலி, செப்.13: மற்ற மாநிலங்களைப் போல தமிழகத்திலும் கூட்டணி ஆட்சி சாத்தியம் என்றார் புதிய தமிழகம் கட்சியின் நிறுவனர்- தலைவர் டாக்டர் க. கிருஷ்ணசாமி.

திருநெல்வேலியில் செய்தியாளர்களிடம் அவர் சனிக்கிழமை கூறியதாவது: தமிழகத்தின் வடக்கு- மேற்குப் பகுதிகளைப் போல தொழில், கல்வி, வேலைவாய்ப்பு, மருத்துவம் போன்றவற்றில் தென்பகுதி வளர்ச்சி அடையவில்லை.

இங்கு இயங்கக்கூடிய தொழிற்சாலைகளும் உள்ளூர் மக்களைப் புறக்கணித்து ஒடிஸா, பிகார், ஆந்திர மக்களுக்கு வேலைவாய்ப்பை வழங்குகின்றன.