களக்காடு-சிதம்பரபுரம் சாலையில் உயர்நிலைப் பாலம்

கிராம மக்கள் ஆட்சியரிடம் மனு

- 

திருநெல்வேலி, ஆக.11: திருநெல்வேலி மாவட்டம், களக்காடு-சிதம்பரபுரம் சாலையில் உள்ள தரைநிலைப் பாலத்தை மாற்றி உயர்நிலைப் பாலம் அமைத்து தரக் கோரி சிதம்பரபுரம் மக்கள் ஆட்சியரிடம் மனு அளித்தனர்.

திருநெல்வேலி மாவட்ட மக்கள் குறைதீர் கூட்டம் ஆட்சியர் இரா.சுகுமார் தலைமையில் திங்கள்கிழமை நடைபெற்றது. இதில், களக்காடு சிதம்பரபுரம் ஊர் பொதுமக்கள் ஆட்சியரிடம் அளித்த மனுவில் கூறியிருப்பதாவது: எங்கள் ஊர், களக்காடு மேற்குத் தொடர்ச்சி மலையடிவாரத்தில் அமைந்துள்ளது. விவசாயம், பீடிசுற்றுதல் எங்களுடைய பிரதான தொழில், எங்கள் ஊரில் 10,000-க்கும் மேற்பட்ட மக்கள் வசித்து வருகிறோம்.

எங்கள் ஊரின் அருகே அமைந்துள்ள களக்காடு நகர் எங்களுக்கு தேவையான அத்தியாவசியப் பொருள்களை வாங்குவதற்கும், எங்களின் குழந்தைகள் கல்வி பயில்வதற்கும், பல்வேறு வகையான வர்த்தகத்துக்கு பிரதானமான பகுதியாக இருந்து வருகிறது.