பாமக தலைவராக அன்புமணி தொடர்வார்: பொதுக்குழுவில் தீர்மானம்

பாமக உள்கட்சித் தேர்தலை நடத்த ஓராண்டு அவகாசம் தேவை என்பதால், வருகிற 2026 ஆகஸ்ட் வரை கட்சியின் தலைவராக அன்புமணி தொடர்வார் என்று சனிக்கிழமை நடைபெற்ற மாநிலப் பொதுக்குழுவில் தீர்மானம் நிறைவேற்றப்பட்டது.

- 

செங்கல்பட்டு, ஆக. 9:

பாமக நிறுவனர் ராமதாஸ், கட்சியின் தலைவர் அன்புமணி ராமதாஸ் ஆகியோர் இடையே கடந்த சில மாதங்களாக கட்சி ரீதியாக மோதல் போக்கு தொடர்கிறது. இதன் காரணமாக இருவரும் தனித்தனியே செயல்பட்டு வருகின்றனர். இந்நிலையில், அன்புமணி அழைப்பு விடுத்த பொதுக்குழுவுக்கு தடை கோரி ராமதாஸ் தரப்பில் சென்னை உயர்நீதிமன்றத்தில் வழக்கு தொடரப்பட்டது. ஆனால், பொதுக்குழுக் கூட்டத்துக்குத் தடை விதிக்க மறுத்து, ராமதாஸ் தரப்பு மனுவை உயர்நீதிமன்றம் கடந்த வெள்ளிக்கிழமை தள்ளுபடி செய்தது.