தூத்துக்குடி கடலில் 2 படகுகள் பழுது: தத்தளிக்கும் 20 மீனவர்களை மீட்க வலியுறுத்தல்

தூத்துக்குடி கடலில் 2 படகுகள் பழுதாகி தண்ணீரில் தத்தளிக்கும் 20 மீனவர்களை மீட்க தமிழக அரசு நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.

- 

தூத்துக்குடி, ஜூன் 29:

தூத்துக்குடி அருகே உள்ள தருவைக்குளம் மீனவ கிராமத்திலிருந்து கடந்த ஜூன் 15ஆம் தேதி அதிர்ஷ்டராஜ் என்பவருக்கு சொந்தமான விசைப்படகில் 11 மீனவர்கள் ஆழ்கடலில் மீன்பிடிக்கச் சென்றனர்.

இந்நிலையில் கடந்த ஜூன் 27ஆம் தேதி நடுக்கடலில் மீன்பிடித்துக் கொண்டிருந்தபோது இயந்திரம் பழுதாகி விசைப்படகு நின்றதைத் தொடர்ந்து, மீனவர்கள் தருவைக்குளம் மீனவர் சங்கத்திற்கு தகவல் தெரிவித்தனர்.