இரு சுங்கச் சாவடிகளில் கட்டணம் வசூலிக்க இடைக்காலத் தடை

மதுரை, ஜூன் 3: மதுரை எலியார்பத்தி, தூத்துக்குடி புதூர் பாண்டியபுரம் ஆகிய பகுதிகளில் உள்ள சுங்கச் சாவடிகளில் கட்டணம் வசூலிக்க இடைக்காலத் தடை விதித்து, சென்னை உயர்நீதிமன்ற மதுரை அமர்வு செவ்வாய்க்கிழமை உத்தரவிட்டது.

- 

தூத்துக்குடி மாவட்டத்தைச் சேர்ந்த பாலகிருஷ்ணன் உயர்நீதிமன்ற மதுரை அமர்வில் தாக்கல் செய்த பொதுநல மனு: மதுரை - தூத்துக்குடி தேசிய நெடுஞ்சாலை கடந்த 2011-ஆம் ஆண்டு முதல் செயல்பாட்டில் உள்ளது. இந்த தேசிய நெடுஞ்சாலையின் இருபுறங்களிலும் மரங்கள் நடுவது, சாலை நடுவில் அமைக்கப்பட்ட தடுப்புகளில் செடிகள் நடவு செய்து பராமரிப்பது, அடிப்படை வசதிகளை மேம்படுத்துவது உள்ளிட்ட பணிகளுக்கு தனியார் நிறுவனத்துக்கு ஒப்பந்த அடிப்படையில் பணிகள் ஒதுக்கீடு செய்யப்பட்டன. ஆனால், அந்த நிறுவனம் அடிப்படை வசதிகளை மேம்படுத்தவில்லை.