100 சிறப்பு நீதிமன்றங்கள் இருந்தும் பண முறைகேடு வழக்கு விசாரணையில் தாமதம்

அமலாக்கத் துறை அறிக்கை

- 

புது தில்லி, மே 2: பண முறை கேடு (பிஎம்எல்ஏ) வழக்குகளை விசாரிக்க நாட்டில் 100 சிறப்பு நீதிமன்றங்கள் இருந்தாலும், வழக்குகள் குறிப்பிட்ட காலத்துக்குள் முடிவு பெறாமல் தாமதமாகி வருகிறது என்று அமலாக்கத் துறை வெளியிட்ட அறிக்கையில் குறிப்பிட்டது.

மத்திய நிதியமைச்சகத்தின் கீழ் அமலாக்கத் துறை இயங்கி வருவதால் இந்தத் துறையின் வருடாந்திர ஆய்வு அறிக்கை நிதியமைச்சகத்துடன் சேர்த்தே வெளியிடப்பட்டு வந்தது.

இந்நிலையில், வருடாந்திர ஆய்வு அறிக்கையை 'பண முறை கேடு வழக்கு விசாரணைகளை விரைந்து முடிப்பதில் உள்ள சவால்கள்' என்ற தலைப்பில் முதல் முறையாக அமலாக்கத் துறை வியாழக்கிழமை வெளியிட்டது.