'சைபர்' குற்றவாளிகளின் வங்கிக் கணக்குகளை முடக்க அதிகாரம்

இணைய வழியிலும், கைப்பேசியில் பொதுமக்களைத் தொடர்பு கொண்டும் நிதி மோசடி ஈடுபடும் 'சைபர்' குற்றவாளிகளின் வங்கிக் கணக்குகளை முடக்கும் அதிகாரம் தங்களுக்கு தரப்பட வேண்டும் என்று ஆர்பிஐ-க்கு (இந்திய ரிசர்வ் வங்கி) வங்கிகள் கூட்டமைப்பு கோரிக்கை விடுத்துள்ளது.

- 

புது தில்லி, ஏப். 13:

இப்போதைய நிலையில் நிதி மோசடி தடுப்புச் சட்டத்தின்கீழ் நீதிமன்றம் அல்லது விசாரணை அமைப்புகளின் உரிய அனுமதியுடன்தான் ஒரு வங்கி வாடிக்கையாளரின் கணக்கை முடக்க முடியும் என்ற விதி உள்ளது.

தற்போது தொழில்நுட்ப வளர்ச்சி பெற்றுள்ள அளவுக்கு நிதி சார்ந்த மோசடிகளும் அதிகரித்துள்ளன. வங்கிகளில் இருந்து பேசுவது போல பொதுமக்களைத் தொடர்பு கொள்ளும் மோசடியாளர்கள், அவர்களை ஏமாற்றி கார்டு விவரம், 'ஓடிபி' (ஒருமுறை பயன்படுத்தும் கடவு எண்) உள்ளிட்டவற்றைப் பெற்று வங்கிக் கணக்கில் இருக்கும் பணத்தை தங்கள் கணக்குக்கு மாற்றிவிடுகிறார்கள்.