பாலியல் வன்கொடுமை செய்து புதரில் வீசப்பட்ட 3 வயது பெண் குழந்தை உயிரிழப்பு

பொதுமக்கள் சாலை மறியல்; வட மாநில இளைஞர் கைது

- 

திருவள்ளூர் மாவட்டம், கும்மிடிப்பூண்டி அருகே வட மாநில குடும்பத்தைச் சேர்ந்த மூன்று வயது பெண் குழந்தை, வடமாநில இளைஞரால் பாலியல் வன்கொடுமைக்கு ஆளாக்கப்பட்டு, புதரில் வீசப்பட்ட நிலையில், மருத்துவமனையில் அனுமதிக்கப்பட்ட அந்த குழந்தை திங்கள்கிழமை உயிரிழந்தது. இதையடுத்து ஆவேசமடைந்த அப்பகுதி மக்கள் சாலை மறியலில் ஈடுபட்டனர். இந்தசம்பவம் தொடர்பாக வடமாநில இளைஞர் கைது செய்யப்பட்டார்.

கும்மிடிப்பூண்டியை அடுத்த புது கும்மிடிப்பூண்டி ஊராட்சி, புதுப்பேட்டை பகுதியில், நூற்றுக்கும் மேற்பட்ட வட மாநிலத்தவர் வாடகை வீட்டில் வசிக்கின்றனர். இவர்கள் சிப்காட் தொழிற்பேட்டையில் பணிபுரிகின்றனர்.