மாநில உரிமைப் போராட்டத்தால் திமுக தொடர் வெற்றி

மக்கள் மீதான உண்மையான அக்கறையும், மாநில உரிமைக்கான போராட்டமும்தான் திமுகவுக்கு தொடர் வெற்றியை அளித்து வருகின்றன என்று முதல்வர் மு.

- 

க. ஸ்டாலின் பேசினார்.ஈரோடு அருகே சோலார் புதிய பேருந்து நிலைய வளாகத்தில் புதன்கிழமை (நவ. 26) நடைபெற்ற விழாவில் ரூ.91.90 கோடி மதிப்பிலான 23 புதிய திட்டங்களுக்கு அடிக்கல் நாட்டி, ரூ.235.73 கோடி மதிப்பிலான 790 முடிவுற்ற பணிகளை முதல்வர் திறந்து வைத்தார். பின்னர், 1,84,491 பேருக்கு ரூ.278.62 கோடி மதிப்பிலான நலத்திட்ட உதவிகளை வழங்கினார்.

இதில் முதல்வர் மு.க.ஸ்டாலின் பேசியதாவது: தான் விவசாயி என்று கூறிக் கொண்டிருக்கும் எதிர்க்கட்சித் தலைவர் எடப்பாடி பழனிசாமி, தமிழ்நாட்டு விவசாயிகளுக்கு துரோகம் செய்கிறார். நெல் கொள்முதலில் ஈரப்பதம் தளர்வு தொடர்பான தமிழ்நாட்டின் கோரிக்கையை மத்திய பாஜக அரசு நிராகரித்துவிட்டது. உண்மையான விவசாயியாக இருந்தால், தமிழ்நாட்டின் கோரிக்கையை ஏற்க வேண்டுமென பிரதமர் மோடியிடம் அவர் கூறியிருக்கலாமே?