அதிமுக முன்னாள் எம்எல்ஏ கொலை வழக்கு: பவாரியா கொள்ளையர் 3 பேர் குற்றவாளிகள்

சென்னை நீதிமன்றம் தீர்ப்பு: தண்டனை விவரம் நவ.24-இல் அறிவிப்பு

- 

அதிமுக முன்னாள் எம்எல்ஏ சுதர்சனம் கொலை வழக்கில் கைதான பவாரியா கொள்ளையர்கள் 3 பேர் குற்றவாளிகள் என சென்னை 15-ஆவது கூடுதல் அமர்வு நீதிமன்றம் வெள்ளிக்கிழமை தீர்ப்பளித்தது. இவர்களுக்கான தண்டனை விவரம் நவ.24-ஆம் தேதி அறிவிக்கப்படவுள்ளது.

திருவள்ளூர் மாவட்டம் கும்மிடிப்பூண்டி தொகுதி அதிமுக முன்னாள் எம்எல்ஏ சுதர்சனம், பெரியபாளையம் அருகேயுள்ள தானாக்குளத்தில் குடும்பத்தினருடன் வசித்தார். அவர் கடந்த 2001 -2006-இல் முதல்வர் ஜெயலலிதா தலைமையிலான அமைச்சரவையில் சிறிது காலம் பிற்படுத்தப்பட்டோர் நலத் துறை அமைச்சராகவும் இருந்தார்.