ஒருங்கிணைந்த அதிமுக: செங்கோட்டையன் வலியுறுத்தல்

ஒருங்கிணைந்த அதிமுகவால்தான் தேர்தல் களத்தில் வெற்றி பெற முடியும். எனவே, கட்சியிலிருந்து வெளியேற்றப்பட்டவர்களை மீண்டும் சேர்க்க வேண்டும் என்று முன்னாள் அமைச்சர் கே.ஏ.செங்கோட்டையன் வலியுறுத்தினார்.

- 

ஈரோடு, செப். 5: 'ஒருங்கிணைந்த அதிமுகவால்தான் தேர்தல் களத்தில் வெற்றி பெற முடியும். எனவே, கட்சியிலிருந்து வெளியேற்றப்பட்டவர்களை மீண்டும் சேர்க்க வேண்டும்' என்று முன்னாள் அமைச்சர் கே.ஏ.செங்கோட்டையன் வலியுறுத்தினார்.

'அதிமுக பொதுச் செயலர் எடப்பாடி கே.பழனிசாமி இதற்கான முயற்சியை 10 நாள்களில் எடுக்க வேண்டும்' என்றும் அவர் கேட்டுக் கொண்டார்.

அதிமுக பொதுச் செயலர் எடப்பாடி பழனிசாமிக்கும், முன்னாள் அமைச்சர் கே.ஏ.செங்கோட்டையனுக்கும் இடையே கருத்து வேறுபாடு நிலவி வருகிறது. எடப்பாடி பழனிசாமி பங்கேற்கும் நிகழ்ச்சிகளை அவர் தொடர்ச்சியாகப் புறக்கணித்து வருகிறார்.