கருணாநிதி நினைவு தினம்: திமுகவினர் அமைதி ஊர்வலம்

மறைந்த திமுக தலைவரும், முன்னாள் முதல்வருமான மு.கருணாநிதியின் 7 ஆம் ஆண்டு நினைவு தினம் சேலத்தில் வியாழக்கிழமை அனுசரிக்கப்பட்டது.

- 

சேலம்/சங்ககிரி/ஆத்தூர்/ஓமலூர், ஆக. 7: மறைந்த திமுக தலைவரும், முன்னாள் முதல்வருமான மு.கருணாநிதியின் 7 ஆம் ஆண்டு நினைவு தினம் சேலத்தில் வியாழக்கிழமை அனுசரிக்கப்பட்டது.

இதையொட்டி, சேலம் மத்திய மாவட்ட திமுக சார்பில் மாவட்டச் செயலாளரும், சுற்றுலாத்துறை அமைச்சருமான ரா.ராஜேந்திரன் தலைமையில் ஆட்சியர் அலுவலகம் அருகே உள்ள பெரியார் சிலையில் இருந்து திமுகவினர் மௌன ஊர்வலம் நடத்தினர். தொடர்ந்து, அண்ணா பூங்கா அருகில் உள்ள கருணாநிதி சிலைக்கு அமைச்சர் ரா.ராஜேந்திரன் மலர்தூவி அஞ்சலி செலுத்தினார். பின்னர் கட்சி நிர்வாகிகள் மலரஞ்சலி செலுத்தினர்.

இந்நிகழ்ச்சியில், மத்திய மாவட்ட அவைத் தலைவர் சுபாசு, பொருளாளர் கார்த்திகேயன், மேயர் ஆ.ராமச்சந்திரன், மாநகர செயலாளர் ரகுபதி, துணைச் செயலாளர்கள் கணேசன், தினகரன், மாநில தேர்தல் பணிக்குழு செயலாளர் தாமரைக்கண்ணன், செயற்குழு, பொதுக்குழு உறுப்பினர்கள், மண்டல குழு தலைவர்கள், பகுதி செயலாளர்கள், இளைஞரணி நிர்வாகிகள் உள்ளிட்ட ஏராளமானோர் பங்கேற்றனர்.

சங்ககிரியில்...திமுக முன்னாள் தலைவர் மு.கருணாநிதி நினைவு தினையொட்டி மலர்களால் அலங்கரிக்கப்பட்ட அவரது உருவப்படத்துக்கு சங்ககிரி நகர திமுக சார்பில் மரியாதை செலுத்தும் நிகழ்ச்சி வியாழக்கிழமை நடைபெற்றது.