கட்டாய மத மாற்ற குற்றச்சாட்டு: சத்தீஸ்கரில் கேரள கன்னியாஸ்திரீகளுக்கு ஜாமீன்

சத்தீஸ்கரில் கட்டாய மத மாற்றம், ஆள் கடத்தல் குற்றச்சாட்டில் கைது செய்யப்பட்ட இரண்டு கேரள கன்னியாஸ்திரீகள் உள்பட மூவருக்கு சிறப்பு நீதிமன்றம் சனிக்கிழமை ஜாமீன் வழங்கியது.

- 

பிலாஸ்பூர், ஆக. 2:

கடந்த ஜூலை 25-ஆம் தேதி சத்தீஸ்கர் மாநிலம் துர்க் ரயில் நிலையத்தில் கத்தோலிக்க கன்னியாஸ்திரீகள் பிரீத்தி மேரி, வந்தனா பிரான்சிஸ், சுகமன் மண்டாவி என்ற நபர் ஆகியோரை மாநில ரயில்வே போலீஸார் கைது செய்தனர்.

அந்த மாநிலத்தின் நாராயண்பூர் மாவட்டத்தைச் சேர்ந்த 3 பெண்களை கட்டாய மதமாற்றத்தில் ஈடுபடுத்தி, கடத்திச் செல்வதாக பஜ்ரங் தள அமைப்பின் நிர்வாகி அளித்த புகாரின் அடிப்படையில், இந்தக் கைது நடவடிக்கை மேற்கொள்ளப்பட்டது. இது அரசியல் ரீதியாக சர்ச்சையை ஏற்படுத்தியது.