ஏற்றுமதி வளர்ச்சியை எதிர்நோக்கும் வீல்ஸ் இந்தியா

மிகப் பெரிய ஸ்டீல் வீல் தயாரிப்பு நிறுவனமான 'வீல்ஸ் இந்தியா' நிறுவனம், நிகழ் நிதியாண்டில் ஏற்றுமதி வளர்ச்சியை எதிர்நோக்கியுள்ளதாகத் தெரிவித்தது.

- 

சென்னை, ஜூலை 17:

இதுகுறித்து நிறுவனத்தின் 66-ஆவது ஆண்டு பொதுக் கூட்டத்தில் பங்குதாரர்களிடையே நிறுவனத்தின் தலைவர் எஸ்.ராம் பேசியதாவது:

வரிகள் குறித்த நிச்சயமற்ற தன்மை இருந்தபோதிலும், நடப்பு நிதியாண்டில் ஏற்றுமதிகள் வளர்ச்சியடையும் என்று எதிர்பார்க்கிறோம். அமெரிக்கா மற்றும் ஐரோப்பாவில் உள்ள வெளிநாட்டு துணை நிறுவனங்கள் இந்தப் பகுதிகளில் வணிக மேம்பாடு மற்றும் வாடிக்கையாளர் ஆதரவுக்கு மேலும் உதவியை அளிக்கும்.

ஏர் சஸ்பென்ஷன் அமைப்புகள் மற்றும் சக்கரங்களை வழங்கும் பேருந்து பிரிவில் நிறுவனத்துக்கு வலுவான வளர்ச்சி ஏற்பட்டுள்ளது என்றார் அவர்.