முதல் பட்டத்துக்காக சின்னர்; 3-ஆவது கோப்பைக்காக அல்கராஸ்

கிராண்ட்ஸ்லாம் போட்டியான விம்பிள்டனில், ஆடவர் ஒற்றையர் இறுதிச்சுற்றில் இத்தாலியின் யானிக் சின்னர் - ஸ்பெயினின் கார்லோஸ் அல்கராஸ் மோதவுள்ளனர்.

- 

லண்டன், ஜூலை 12:

முன்னதாக அரையிறுதிச்சுற்றில், உலகின் நம்பர் 1 வீரரான சின்னர் 6-3, 6-3, 6-4 என்ற நேர் செட்களில், 6-ஆம் நிலையில் இருந்த செர்பியாவின் நோவக் ஜோகோவிச்சை 1 மணி நேரம், 55 நிமிஷங்களில் வீழ்த்தினார்.

ஆடவர் டென்னிஸில் அதிக கிராண்ட்ஸ்லாம்கள் (24) வென்றவரான ஜோகோவிச், 25-ஆவது கிராண்ட்ஸ்லாம் பட்டத்துக்கு இலக்கு வைத்திருந்தார். மேலும், இந்த முறை விம்பிள்டனில் சாம்பியனாகி, அந்தப் போட்டியில் அதிகமுறை (8) கோப்பை வென்ற சுவிட்ஸர்லாந்தின் ரோஜர் ஃபெடரரின் சாதனையை சமன் செய்யும் திட்டமிட்டிருந்தார்.