விமான விபத்து: கருப்புப் பெட்டி ஆய்வுக்குப் பிறகு காரணம் தெரியவரும்

மத்திய அமைச்சர் முரளிதர் மோஹோல்

- 

புணே, ஜூன் 17: அகமதாபாத் விமான விபத்துக்கான காரணம், அதன் கருப்புப் பெட்டி தரவுகள் பகுப்பாய்வுக்குப் பிறகு தெரியவரும் என்று விமானப் போக்குவரத்துத் துறை இணையமைச்சர் முரளிதர் மோஹோல் கூறினார்.

குஜராத்தின் அகமதாபாத் விமானநிலையத்தில் இருந்து லண்டனுக்கு 230 பயணிகள் மற்றும் 12 ஊழியர்களுடன் கடந்த ஜூன் 12-ஆம் தேதி புறப்பட்ட ஏர் இந்தியா நிறுவனத்தின் போயிங் 787 ட்ரீம்லைனர் ரக விமானம், சில நிமிஷங்களிலேயே அருகில் உள்ள மருத்துவக் கல்லூரி விடுதி கட்டடங்களின் மீது விழுந்து வெடித்துச் சிதறியது.

இந்த விபத்தில் ஒரே ஒரு பயணி தவிர விமானத்தில் இருந்த 241 பேரும், விமானம் விழுந்த இடத்தில் மருத்துவ மாணவர்கள் உள்பட 29 பேரும் உடல் கருகி உயிரிழந்தனர்.