கருணாநிதி பிறந்த நாள் விழா: சிலைக்கு மாலை

மறைந்த முன்னாள் முதல்வர் கருணாநிதியின் 102 ஆவது பிறந்தநாளையொட்டி சேலம் மத்திய மாவட்ட திமுக சார்பில் நான்கு சாலை அண்ணா பூங்கா வளாகத்தில் அமைந்துள்ள கருணாநிதி உருவச் சிலைக்கு, சுற்றுலாத் துறை அமைச்சர் ரா.ராஜேந்திரன் செவ்வாய்க்கிழமை மாலை அணிவித்து மலர் தூவி மரியாதை செலுத்தினார்.

- 

சேலம், ஜூன் 3: மறைந்த முன்னாள் முதல்வர் கருணாநிதியின் 102 ஆவது பிறந்தநாளையொட்டி சேலம் மத்திய மாவட்ட திமுக சார்பில் நான்கு சாலை அண்ணா பூங்கா வளாகத்தில் அமைந்துள்ள கருணாநிதி உருவச் சிலைக்கு, சுற்றுலாத் துறை அமைச்சர் ரா.ராஜேந்திரன் செவ்வாய்க்கிழமை மாலை அணிவித்து மலர் தூவி மரியாதை செலுத்தினார்.

தொடர்ந்து, அங்கு திரண்டிருந்த திமுக தொண்டர்கள், பொதுமக்களுக்கு இனிப்புகள் வழங்கினார். இதில், மாநகராட்சி மேயர் ஆ.ராமச்சந்திரன், மாநகர அவைத் தலைவர் சுபாஷ், பொருளாளர் கார்த்திகேயன், மாநகரச் செயலாளர் ரகுபதி, மாமன்ற உறுப்பினர்கள், தலைமைச் செயற்குழு, பொதுக்குழு உறுப்பினர்கள், தொண்டர்கள் திரளான அளவில் கலந்து கொண்டனர்.

தொடர்ந்து, சேலம் உருக்காலை வளாகத்தில் தொ.மு.ச. சார்பில் ஏற்பாடு செய்யப்பட்டிருந்த நிகழ்ச்சியில், அலங்கரித்து வைக்கப்பட்டிருந்த கருணாநிதி உருவப் படத்துக்கு அமைச்சர் ரா.ராஜேந்திரன் மலர் தூவி மரியாதை செலுத்தினார். அப்போது அமைச்சர் ராஜேந்திரன் பேசுகையில், மறைந்த பிரதமர் இந்திரா காந்தி மூலம் சேலம் உருக்காலைக்கு வித்திட்டவர் கருணாநிதி என தெரிவித்தார்.

இந்நிகழ்ச்சியில் தொ.மு.ச. நிர்வாகிகள், மாநகர, மாவட்ட திமுகவினர் திரளாக கலந்துகொண்டனர்.

சங்ககிரியில்... சங்ககிரி நகர திமுக சார்பில் முன்னாள் முதல்வர் கருணாநிதி பிறந்தநாள் விழா செவ்வாய்க்கிழமை கொண்டாடப்பட்டது. சங்ககிரி நகரச் செயலாளர் கே.எம்.முருகன் தலைமையில் திமுக நிர்வாகிகள், கருணாநிதி உருவப்படத்துக்கு மலர்தூவி மரியாதை செலுத்தினர். பொதுமக்களுக்கு இனிப்புகள் வழங்கப்பட்டன.