வரிசையறிதல் அறமன்று

உலகத்தார் போற்றும் அறங்களுள் காலத்தால் மாறாததும் கருத்தால் அழியாததுமான உன்னத அறம் ஈகையாகும்.

- முனைவர் கா. ஆபத்துக்காத்தபிள்ளை

உடையோர் இல்லாதார்க்கு வழங்குதலே ஈகை என்பதை அனைவரும் அறிவோம். இப்பண்பு சமுதாயத்தில் நீக்கமற நிறைந்திருந்தால் சமதர்மம் உருப்பெற வழிவகுக்கும்; எல்லோரும் எல்லாச் செல்வமும் எய்தலாலே இல்லாரும் இல்லை உடையாரும் இல்லை என்ற கம்பன் கனவு நனவாகும்.

சங்ககால சமூகத்தில் பழுமரம் நாடிச் செல்லும் பறவை போல புலவர்கள் வள்ளல்களை நாடிச் சென்று அவர்களைத் தங்கள் புலமைத்திறத்தால் பாடி, பரிசில் பெற்று தங்கள் வறுமையைச் களைந்தனர்.