முட்டை விலை மேலும் அதிகரிக்க வாய்ப்பு: என்இசிசி

பருவமழையால் கேரளத்தில் முட்டை நுகர்வு அதிகரித்து வருவதாலும், பள்ளிகள் திறக்கப்படுவதால் சத்துணவுத் திட்டத்துக்கு முட்டை தேவை உள்ளதாலும் வரும் நாள்களில் முட்டை விலை மேலும் அதிகரிக்கக் கூம் என தேசிய முட்டை ஒருங்கிணைப்புக் குழு (என்இசிசி) நாமக்கல் மண்டலத் தலைவர் கே.சிங்கராஜ் தெரிவித்தார்.

- 

நாமக்கல், மே 31:

தேசிய முட்டை ஒருங்கிணைப்புக் குழுவின் நாமக்கல் மண்டல கோழிப் பண்ணையாளர்கள்-முட்டை வியாபாரிகள் சந்திப்புக் கூட்டம் நாமக்கல்லில் சனிக்கிழமை நடைபெற்றது. கூட்டத்துக்கு தமிழ்நாடு கோழிப் பண்ணையாளர்கள் சங்கத் தலைவரும், தேசிய முட்டை ஒருங்கிணைப்புக் குழுவின் நாமக்கல் மண்டலத் தலைவருமான கே.சிங்கராஜ் தலைமை வகித்தார்.

நாமக்கல் மண்டலத்தில் தினசரி உற்பத்தியாகும் முட்டை நிலவரம், கொள்முதல் விலை, தீவனங்கள் விலையேற்றம், குறைவான விலைக்கு வியாபாரிகள் முட்டைகளை கொள்முதல் செய்வது தொடர்பாக கோழிப் பண்ணையாளர்களுடன் விவாதங்கள் நடத்தப்பட்டன.

சிறிய பண்ணையாளர்கள் தங்களுக்கு உரிய விலை கிடைப்பதில்லை; வியாபாரிகள் என்இசிசி நிர்ணய விலைக்கு முட்டைகளை வாங்குவதில்லை என்ற குற்றச்சாட்டை முன்வைத்தனர். அதற்கு, தேசிய முட்டை ஒருங்கிணைப்புக் குழு நிர்வாகிகள் பதிலளித்தனர்.