கீழடி அகழாய்வு அறிக்கையில் திருத்தம் கோரியது வழக்கமான நடைமுறை

மத்திய கலாசாரத் துறை

- நமது சிறப்பு நிருபர்

நமது சிறப்பு நிருபர் புது தில்லி, மே 29: கீழடி அகழாய்வு அறிக்கையில் திருத்தங்கள் கோரி இந்திய தொல்லியல் ஆய்வு நிறுவனம் திருப்பி அனுப்பியது வழக்கமான நடைமுறை என மத்திய கலாசாரத் துறை வியாழக்கிழமை தெரிவித்தது.

சிவகங்கை மாவட்டம், கீழடி அகழாய்வு குறித்து இந்திய தொல்லியல் துறையின் சார்பில் அமர்நாத் ராமகிருஷ்ணன் தாக்கல் செய்த இரு அகழாய்வு ஆய்வறிக்கைகள் திருப்பி அனுப்பப்பட்டது தமிழக அரசியல் வட்டாரங்களில் சர்ச்சை எழுந்துள்ளது. இது குறித்து இந்திய தொல்லியல் ஆய்வுத் துறை சார்பில் மத்திய கலாசாரத் துறை வெளியிட்ட அறிக்கை வருமாறு:

இந்திய தொல்லியல் ஆய்வுத் துறை இயக்குநர் ஜெனரல் பெயரில், அகழாய்வு செய்யப்பட்ட இடங்கள் குறித்த அறிக்கைகள் தொடர்ந்து வெளியிடப்பட்டு வருகின்றன.