சாலைப் பணிகளில் தரத்துக்கு முக்கியத்துவம்; அமைச்சர் எ.வ.வேலு அறிவுறுத்தல்

சாலைப் பணிகளில் தரத்துக்கு முக்கியத்துவம் அளிக்கப்பட வேண்டும் என்று பொதுப்பணிகள், நெடுஞ்சாலைகள் துறை அமைச்சர் எ.வ.வேலு அறிவுறுத்தினார்.

- 

சென்னை, மே 17:

சாலைகள் அமைப்பதில் தரக்கட்டுப்பாடுகள் தொடர்பாக, சென்னையில் சனிக்கிழமை நடைபெற்ற அலுவல் சார் ஆய்வுப் பணிக்கு அமைச்சர் எ.வ.வேலு தலைமை வகித்தார்.

இந்தக் கூட்டத்தில் அவர் பேசியது:

நெடுஞ்சாலைத் துறையின் மூலம் இப்போது 74,021 கி.மீ. நீளமுள்ள சாலைகள் பராமரிக்கப்பட்டு வருகின்றன. இந்தச் சாலை கட்டுமானத்தில் தரக்கட்டுப்பாடு மிக முக்கிய பங்களிக்கிறது. இதைக் கவனத்தில் கொண்டும் தரக்கட்டுப்பாடு பிரிவுகளை முழுமையாக செயல்படுத்தவும் ஒருதர நிர்ணய மேலாண்மை அமைப்பு உருவாக்கப்பட்டது.