மாளவிகா, ஆகர்ஷி, உன்னாட்டி முன்னேற்றம்

தாய்லாந்து ஓபன் பாட்மின்டன் போட்டியில் இந்தியாவின் மாளவிகா பன்சோத், ஆகர்ஷி காஷ்யப், உன்னாட்டி ஹூடா ஆகியோர் தங்களது பிரிவில் 2-ஆவது சுற்றுக்கு புதன்கிழமை முன்னேறினர்.

- 

பாங்காக், மே 14: தாய்லாந்து ஓபன் பாட்மின்டன் போட்டியில் இந்தியாவின் மாளவிகா பன்சோத், ஆகர்ஷி காஷ்யப், உன்னாட்டி ஹூடா ஆகியோர் தங்களது பிரிவில் 2-ஆவது சுற்றுக்கு புதன்கிழமை முன்னேறினர்.

முதல் சுற்றில் மகளிர் ஒற்றையர் பிரிவில், மாளவிகா பன்சோத் 21-12, 13-21, 21-17 என்ற கேம்களில், துருக்கியின் நெஸில்ஹான் ஆரினை வெளியேற்றினார். அதேபோல் ஆகர்ஷி காஷ்யப் 21-16, 20-22, 22-20 என்ற கேம்களில் ஜப்பானின் காவீரு சுகியாமாவை 1 மணி நேரம், 14 நிமிஷங்கள் போராடி வீழ்த்தினார். உன்னாட்டி ஹூடா 21-14, 18-21, 23-21 என்ற கணக்கில் தாய்லாந்தின் தமோன்வன் நிதிடிக் ராயை சாய்த்தார்.