ஆக்ரா மசூதியில் இறைச்சியை வீசியவர் கைது

வன்முறையைத் தூண்ட சதி

- 

ஆக்ரா, ஏப். 11: உத்தர பிரதேச மாநிலம் ஆக்ராவில் உள்ள ஜாமா மசூதியில் இறைச்சி துண்டு அடங்கிய பார்சலை வீசிச் சென்றவரை காவல் துறையினர் கைது செய்தனர்.

அவரின் பெயர் நஸ்ருதீன் என்று காவல் துறையினர் தெரிவித்தனர். வக்ஃப் திருத்தச் சட்டத்துக்கு எதிராக நாடு முழுவதும் இஸ்லாமிய அமைப்புகள் போராட்டங்கள் நடத்தி வரும் நிலையில், வன்முறையைத் தூண்டும் நோக்கில் அந்த நபர் இச்செயலில் ஈடுபட்டிருக்கலாம் என்ற காவல் துறையினர் சந்தேகம் தெரிவித்துள்ளனர். வெள்ளிக்கிழமை மசூதியில் அதிகமானோர் தொழுகைக்காக மசூதிக்கு வருவது வழக்கமாகும்.