'எம்புரான்' திரைப்பட சர்ச்சை: நடிகர் மோகன்லால் வருத்தம்

அண்மையில் வெளியான தனது 'எம்புரான்' திரைப்பட சர்ச்சை தொடர்பாக வருத்தம் தெரிவித்த மலையாள நடிகர் மோகன்லால், படத்தில் இருந்து சர்ச்சைக்குரிய காட்சிகள் நீக்கப்படும் என்று உறுதியளித்தார்.

- 

திருவனந்தபுரம், மார்ச் 30:

மோகன்லால் நடிப்பில், நடிகர் பிருத்விராஜ் இயக்கத்தில் 'லூசிஃபர்' திரைப்படத்தின் 2-ஆம் பாகமாக 'எல்-2: எம்புரான்' திரைப்படம், கடந்த வியாழக்கிழமை (மார்ச் 27) உலகெங்கும் வெளியானது.

வலதுசாரி அரசியல் மீதான கடும் குற்றச்சாட்டுகள் மற்றும் 2002-ஆம் ஆண்டு குஜராத் கலவரம் பற்றிய மறைமுகக் குறிப்பு ஆகியவற்றால் இப்படம் தேசிய அளவில் விவாதப்பொருளாக மாறியது. தொடர்ந்து, படத்துக்கு எதிராக சமூக ஊடகங்களில் வலதுசாரி அமைப்புகளுடையே கடுமையான விமர்சனங்கள் எழுந்தன.