வாழப்பாடி அருகே 3000 ஆண்டுகள் பழைமையான 'கல்திட்டை' கண்டுபிடிப்பு

வாழப்பாடி அருகே வைத்தியகவுண்டன்புதூர் கிராமத்தில் 3000 ஆண்டுகளுக்கு முன்பு வாழ்ந்த மக்கள், இறந்தவர்களின் நினைவாக அமைத்த ஈமச்சின்னமான கல்திட்டையை (படம்) சேலம் மாவட்ட வரலாற்று ஆய்வு மையத்தினர் கண்டறிந்தனர்.

- 

வாழப்பாடி, மார்ச் 16:

தமிழகத்தில் 3000 ஆண்டுகளுக்கு முன்பு வாழ்ந்த பழங்கால மக்கள் தங்கள் குடும்பத்தில் இறந்த மூத்த குடும்ப உறுப்பினர்கள், உறவினர்களின் நினைவாக அவர்களின் உடலை மண்பானையில் வைத்து புதைத்த இடத்தைச் சுற்றிலும் வட்டமாக கற்களை பதித்து கல்வட்டமும், பலகைக் கற்களை கொண்டு பெட்டி போன்ற கல்திட்டைகளையும் அமைத்தனர். முன்னோர் நினைவாக அமைத்த கற்குவை, கல்வட்டம், கல்திட்டைகளை பராமரித்ததுடன் வழிபட்டும் வந்தனர்.