7,783 அங்கன்வாடி பணியாளர்-உதவியாளர் பணியிடங்கள் நேரடி நியமனம் மூலம் நிரப்பப்படும்

தமிழகத்தில் நேரடி நியமனம் மூலம் 7,783 அங்கன்வாடி பணியாளர், உதவியாளர் காலிப்பணியிடங்கள் நிரப்பப்படும் என்று மாநில அரசு தெரிவித்துள்ளது.

- 

சென்னை, மார்ச் 16:

இது குறித்து சமூக நலத் துறை சார்பில் வெளியிடப்பட்ட உத்தரவு: மத்திய அரசு அங்கன்வாடி மையங்களில் சத்தான உணவு வழங்குவதுடன் தரமான கல்வியை வழங்க புதிய திட்டத்தைத் தொடங்கியுள்ளது. இதைக் கருத்தில் கொண்டு அங்கன்வாடி மையங்களில் சத்தான உணவுடன் கற்பித்தல் திறன்களையும் மேம்படுத்த வேண்டிய தேவை ஏற்பட்டுள்ளது.

இதற்கு, அங்கன்வாடி பணியாளர்கள், உதவியாளர்களின் கல்வி நிலை மேம்பட்டதாக இருக்க வேண்டிய அவசியம் உள்ளதாக ஒருங்கிணைந்த குழந்தைகள் வளர்ச்சித் திட்டத்தின் இயக்குநர் சார்பில் அரசுக்கு கடிதம் அனுப்பப்பட்டிருந்தது.