இறுதி ஆட்டத்தில் சபலென்கா-ரைபகினா மோதல்

முதல் அரையிறுதியில் பெலாரஸின் சபலென்கா 6-3, 6-4 என்ற நேர் செட்களில் செக் குடியரசின் லின்டா நோஸ்கோவாவை வீழ்த்தி இறுதிக்கு தகுதி பெற்றார்.

- 

இந்த ஆட்டத்தில் சபலென்கா மொத்தம் 11 ஏஸ்களை வீசினார். பேஸ்லைனில் இருந்து ஆடிய சபலென்காவின் ஆட்டத்தை சமாளிக்க முடியாமல் லின்டா திணறினார். தொடக்க செட்டில் லின்டாவின் சர்வீஸை முறியடித்த சபலென்கா 5-1 என முன்னிலை பெற்றார். 8-ஆவது கேமில் லின்டா சவாலை ஏற்படுத்தினார். அப்போது சபலென்கா புரிந்த இரட்டை தவறை அவர் பயன்படுத்திக் கொள்ளவில்லை.

இரண்டாவது செட்டிலும் லின்டாவின் மீது தொடக்கத்தில் இருந்தே ஆதிக்கம் செலுத்திய சபலென்கா செட்டை வசப்படுத்தி இறுதிக்கு தகுதி பெற்றார்.