3-ஆவது பதக்கம் வென்றார் மஹித் சந்து

ஜப்பானில் நடைபெறும் டெஃப்லிம்பிக்ஸ் போட்டியின் துப்பாக்கி சுடுதலில், இந்தியாவின் மஹித் சந்து தனது 3ஆவது பதக்கத்தை வியாழக்கிழமை வென்றார்.

- 

50 மீட்டர் ரைஃபிள் புரோன் மகளிர் பிரிவில் அவர் 246.1 புள்ளிகளுடன் 2-ஆம் இடம் பிடித்து வெள்ளி பெற்றார். செக் குடியரசின் எலிஸ்கா ஸ்வோபோடோவா 247.2 புள்ளிகளுடன் தங்கமும், ஹங்கேரியின் மிரா சுஸ்சானா 225 புள்ளிகளுடன் வெண்கலமும் வென்றனர்.

களத்திலிருந்த மற்றொரு இந்தியரான நடாஷா ஜோஷி 8-ஆம் இடம் பிடித்தார். முன்னதாக தகுதிச்சுற்றில், மஹித் 619.7 புள்ளிகள் பெற்று உலக சாதனையுடன் முதலிடம் பிடித்தும், நடாஷா 611.6 புள்ளிகளுடன் 7-ஆம் இடம் பெற்றும் இறுதிக்கு வந்தனர்.