இந்தியாவுக்கு எதிராகப் போராடுவதாக கருத்து: மே 7-க்குள் ராகுல் பதிலளிக்க நீதிமன்றம் உத்தரவு

இந்தியாவுக்கு எதிராக காங்கிரஸ் போராடுவதாக தெரிவித்த கருத்து குறித்து மே 7-க்குள் பதிலளிக்குமாறு மக்களவை எதிர்க்கட்சித் தலைவரும், காங்கிரஸ் எம்.பி.யுமான ராகுல் காந்திக்கு உத்தர பிரதேசத்தில் உள்ள சம்பல் நீதிமன்றம் வெள்ளிக்கிழமை உத்தரவிட்டது.

- 

சம்பல், ஏப்.4:

கடந்த ஜன.15-ஆம் தேதி தில்லியில் காங்கிரஸ் கட்சியின் புதிய தலைமை அலுவலகம் திறக்கப்பட்டது. இந்த நிகழ்ச்சியில் ராகுல் காந்தி பேசுகையில், 'நாட்டின் ஒவ்வொரு அமைப்பையும் பாஜக மற்றும் ஆர்எஸ்எஸ் கைப்பற்றியுள்ளன. இதனால் தற்போது பாஜக, ஆர்எஸ்எஸ் மட்டுமின்றி இந்தியாவுக்கு எதிராகவே காங்கிரஸ் போராட்டத்தில் ஈடுபட்டுள்ளது' என்றார்.

இதைத்தொடர்ந்து அவருக்கு எதிராக உத்தர பிரதேசத்தின் சம்பல் மாவட்டத்தில் எம்.பி., எம்எல்ஏக்களுக்கு எதிரான வழக்குகளை விசாரிக்கும் சிறப்பு நீதிமன்றத்தில் ஹிந்து சக்தி தளத்தின் தேசிய தலைவர் சிம்ரன் குப்தா வழக்கு தொடுத்தார்.