தமிழகத்தில் உள்ள 1,905 பள்ளிகளில் மும்மொழி பயிற்றுவிப்பு

மக்களவையில் மத்திய அரசு தகவல்

- நமது நிருபர்

நமது நிருபர் புது தில்லி, மார்ச் 24: தமிழகத்தில் மும்மொழிகளைப் பயிற்றுவிக்கும் 1,905 பள்ளிகள் செயல்பட்டு வருவதாக மக்களவையில் மத்திய அரசு திங்கள்கிழமை தெரிவித்தது.

இதுதொடர்பாக நாடாளுமன்ற திமுக குழுத் தலைவரும், தூத்துக்குடி தொகுதி திமுக உறுப்பினருமான கனிமொழி எழுப்பிய கேள்வியில், 'நாடு முழுவதும் பல்வேறு மாநிலங்களில் மும்மொழிக் கொள்கையின்கீழ் கற்பிக்கப்படும் மொழிகளின் விவரங்கள் மாநில வாரியாக என்ன? இந்த மொழிகளைப் படிக்கும் மாணவர்களின் எண்ணிக்கை விவரங்கள் என்ன?, ஹிந்தி பேசும் மாநிலங்களில் ஹிந்தி அல்லாத இந்திய மொழிகளைப் படிக்கும் மாணவர்களின் எண்ணிக்கை விவரங்கள் மாநில வாரியாக என்ன? என்பது உள்ளிட்ட கேள்விகளை எழுப்பியிருந்தார்.