தலைமைத் தேர்தல் ஆணையர் பதவி நீக்க நோட்டீஸ் நிராகரிப்பு

இந்திய தலைமைத் தேர்தல் ஆணையர் ஞானேஷ் குமாரை பதவி நீக்கக் கோரும் தீர்மானம் தொடர்பாக காங்கிரஸ் உள்ளிட்ட எதிர்க்கட்சிகள் மக்களவையில் அளித்த நோட்டீஸ் அவைத் தலைவர் ஓம் பிர்லா திங்கள்கிழமை நிராகரித்தார்.

- 

இதே விவகாரம் தொடர்பாக மாநிலங்களவையில் தனியாக அளிக்கப்பட்ட நோட்டீஸை அதன் தலைவர் சி.பி. ராதாகிருஷ்ணன் நிராகரித்து உத்தரவு பிறப்பித்தார்.

மேற்கு வங்கம் உள்பட பல்வேறு மாநிலங்களில் வாக்காளர் பட்டியல் சிறப்பு தீவிர திருத்தத்துக்கு (எஸ்ஐஆர்) பிறகு லட்சக்கணக்கான வாக்காளர்களின் பெயர்கள் நீக்கப்பட்டன. எஸ்ஐஆர் உள்பட பல்வேறு விவகாரங்களில் மத்திய பாஜக அரசின் கட்டுப்பாட்டின்கீழ் செயல்படுவதாக தலைமைத் தேர்தல் ஆணையர் ஞானேஷ் குமார் மீது கடுமையான குற்றச்சாட்டுகளை எதிர்க்கட்சிகள் முன்வைத்து வந்தன.