திருவண்ணாமலை மகா தீபத்தன்று பக்தர்கள் மலை மீது ஏறத் தடை

திருவண்ணாமலை கார்த்திகை தீபத் திருவிழாவின் முக்கிய நிகழ்வான மகா தீபம் ஏற்றும் நாளான டிச.3-ஆம் தேதி மலை மீது ஏற பக்தர்களுக்கு மாவட்ட நிர்வாகம் தடை விதித்துள்ளது.

- 

அருணாசலேஸ்வரர் கோயிலில் கார்த்திகை தீபத் திருவிழா கடந்த 24-ஆம் தேதி கொடியேற்றத்துடன் தொடங்கியது. முக்கிய நிகழ்வாக வரும் டிச.3-ஆம் தேதி அதிகாலை அருணாசலேஸ்வரர் கோயிலில் பரணி தீபமும், அன்று மாலை கோயில் பின்புறம் உள்ள 2,668 அடி உயர மலையில் மகாதீபமும் ஏற்றப்பட உள்ளன.

கடந்த ஆண்டு ஃபென்ஜால் புயல் பலத்த மழையால் மலையில் நிலச்சரிவும், உயிர்ச் சேதமும் ஏற்பட்டது. இதையடுத்து மலை மீது ஏறுவதற்கு தகுந்த பாதுகாப்பு இல்லாத சூழ்நிலை நிலவியதால், பக்தர்களின் பாதுகாப்பு கருதி மலை ஏற அனுமதி மறுக்கப்பட்டது.

தற்போது திருவண்ணாமலை மாவட்டத்துக்கு டித்வா புயல் காரணமாக மிக பலத்த மழைக்கான ஆரஞ்சு எச்சரிக்கை விடுக்கப்பட்டுள்ளது.