மகாராஷ்டிர ‘தேர்தல் மோசடி’ குறித்த ஆவணப்படம்: எஸ்எம்எஸ் மூலம் அனுப்ப டிராய் அனுமதி மறுப்பு

மகாராஷ்டிர சட்டப்பேரவைத் தேர்தலில் நடந்ததாகக் கூறப்படும் ‘மோசடி’ குறித்த யூடியூப் ஆவணப்படத்தின் வலைதள இணைப்பை (லிங்க்) கட்சித் தொண்டர்களுக்கு குறுஞ்செய்தி (எஸ்எம்எஸ்) மூலம் அனுப்ப டிராய் அனுமதி மறுத்திருப்பதாக காங்கிரஸ் குற்றஞ்சாட்டியுள்ளது.

- 

புது தில்லி, செப். 7:

இதுதொடர்பாக பல்வேறு அரசு துறைகள் ஒருங்கிணைந்து செயல்பட்டு, இந்தத் தகவலை ஒடுக்க முயற்சிப்பதாகவும் காங்கிரஸ் விமர்சித்துள்ளது.

காங்கிரஸின் தரவு பகுப்பாய்வுத் துறை தலைவர் பிரவீண் சக்ரவர்த்தி வெளியிட்ட ‘எக்ஸ்’ சமூக ஊடகப் பதிவில், ‘கடந்த ஆண்டு மகாராஷ்டிர பேரவைத் தேர்தலில் எப்படி முறைகேடு நடைபெற்றது என்ற தலைப்பில் யூடியூப் தளத்தில் உள்ள ஆவணப்படத்தின் வலைதள இணைப்பை மகாராஷ்டிரத்தில் உள்ள தொண்டர்களுக்கு குறுஞ்செய்தி (எஸ்எம்எஸ்) மூலம் அனுப்பத் திட்டமிட்டோம்.