திருபுவனத்தில் தேசிய கைத்தறி தினம்

தஞ்சாவூர் மாவட்டம், திருபுவனம் பட்டு கைத்தறி நெசவாளர் கூட்டுறவு சங்கக் கட்டடத்தில் 11-ஆவது தேசிய கைத்தறி தினத்தை முன்னிட்டு மருத்துவ முகாம் மற்றும் கைத்தறி கண்காட்சி வியாழக்கிழமை நடைபெற்றது.

- 

கும்பகோணம், ஆக. 7:

இந்நிகழ்வில் பங்கேற்ற உயர்கல்வித்துறை அமைச்சர் கோவி. செழியன் கைத்தறி கண்காட்சியைத் தொடங்கிவைத்துப் பேசியது:

1905 ஆக. 7-இல் சுதேசி இயக்கம் தொடங்கப்பட்டது. இதன் நினைவாக தேசிய கைத்தறி நாள் 2015 ஆக. 7 முதல் நாடு முழுவதும் கொண்டாடப்பட்டு வருகிறது. அதனை முன்னிட்டு திருபுவனத்தில் சிறப்பு மருத்துவ முகாம், ஆதார் திருத்த முகாம், முத்ரா கடன் தொகை வழங்கும் விழா, தறி உபகரணங்கள் வழங்கும் விழா மற்றும் சிறப்பு கைத்தறி விற்பனைக் கண்காட்சி நடைபெறுகிறது என்றார்.