தெலங்கானா பேரவைத் தலைவருக்கு உச்சநீதிமன்றம் 3 மாத காலக்கெடு

தெலங்கானாவில் பாரத ராஷ்டிர சமிதி (பிஆர்எஸ்) இல் இருந்து விலகி, ஆளும் காங்கிரஸில் இணைந்த 10 எம்எல்ஏக்களை தகுதிநீக்கம் செய்யக் கோரும் மனுக்கள் மீது பேரவைத் தலைவர் 3 மாதங்களுக்குள் முடிவெடுக்க வேண்டும் என்று உச்சநீதிமன்றம் காலக்கெடு நிர்ணயித்துள்ளது.

- 

பேரவைத் தலைவர் கத்தம் பிரசாத் குமார், பிஆர்எஸ் தரப்பில் மனுக்கள் அளிக்கப்பட்டன. ஆனால், இந்த மனுக்கள் மீது முடிவெடுக்க பேரவைத் தலைவர் காலதாமதம் செய்வதாக குற்றஞ்சாட்டி, தெலங்கானா உயர் நீதிமன்றத்தில் பிஆர்எஸ் மூத்த தலைவர்கள் வழக்கு தொடர்ந்தனர். இவ்வழக்கில் கடந்த 2024, செப்டம்பரில் உத்தரவு பிறப்பித்த தனி நீதிபதி, 'தகுதி நீக்க மனுக்கள் மீதான விசாரணை கால அளவு குறித்து பேரவைத் தலைவர் 4 வாரங்களுக்குள் முடிவெடுக்க வேண்டும்; தவறினால், நீதிமன்றம் அடுத்த கட்ட உத்தரவுகளை பிறப்பிக்கம்' என்று எச்சரித்தார். அதே நேரம், தனி நீதிபதியின் உத்தரவை ரத்து செய்த இரு நீதிபதிகள் அமர்வு, தகுதிநீக்க மனுக்கள் மீது நியாயமான காலக்கெடுவுக்குள் முடிவெடுக்க பேரவைத் தலைவருக்கு அறிவுறுத்தியது.