இணைய குற்றம்: கடந்த ஆண்டில் ரூ.22,845 கோடியை இழந்த குடிமக்கள்

'இணைய குற்றத்தின் மூலம் கடந்த 2024-ஆம் ஆண்டில் மட்டும் ரூ.22,845.73 கோடியை குடிமக்கள் இழந்துள்ளனர். இது முந்தைய ஆண்டைக் காட்டிலும் 206 சதவீதம் கூடுதலாகும்' என்று நாடாளுமன்றத்தில் மத்திய அரசு தரப்பில் தெரிவிக்கப்பட்டது.

- 

புது தில்லி, ஜூலை 22:

இணைய குற்றங்கள் தொடர்பாக எழுப்பப்பட்ட கேள்விக்கு மத்திய உள்துறை இணை அமைச்சர் பண்டி சஞ்சய்குமார் மக்களவையில் செவ்வாய்க்கிழமை அளித்த எழுத்துப்பூர்வ பதிலில் கூறியிருப்பதாவது:

மத்திய அமைச்சகத்தின் கீழ் இயங்கும் தேசிய இணைய குற்ற புகார் வலைதளம் (என்சிஆர்பி) மற்றும் குடிமக்கள் நிதி சார் இணைய மோசடி புகார் மற்றும் மேலாண்மை நடைமுறை (சிஎஃப்சிஎஃப்ஆர்எம்எஸ்) தரவு களின் அடிப்படையில், இணைய குற்ற மோசடியால் கடந்த 2024-ஆம் ஆண்டில் குடிமக்கள் ஒட்டு மொத்தமாக ரூ.22,845.73 கோடியை இழந்துள்ளனர்.