வர்த்தக ஒப்பந்தம்: அமெரிக்காவின் பதிலுக்காக காத்திருக்கும் இந்தியா

இந்தியா-அமெரிக்கா இடையே கால வர்த்தக ஒப்பந்தம் இறுதி கட்டத்தை எட்டியுள்ள நிலையில், வேளாண்மை, பால்வளம், எஃகு, அலுமினியம் போன்ற முக்கியத் துறைகளில் வரிச் சலுகைகள் குறித்து இரு நாடுகளுக்கும் இடையே கருத்து வேறுபாடுகள் நிலவுகின்றன.

- 

புது தில்லி, ஜூலை 6:

இந்தியா தனது நிலைப்பாடுகளை உறுதியாக தெளிவுப்படுத்திவிட்ட நிலையில், இனி ஒப்பந்தம் இறுதியாவது அமெரிக்காவின் முடிவைப் பொறுத்தே இருக்கிறது என்று தகவலறிந்த வட்டாரங்கள் தெரிவிக்கின்றன.

பிரதமர் நரேந்திர மோடியின் கடந்த பிப்ரவரி மாத அமெரிக்க பயணத்தைத் தொடர்ந்து, இருதரப்பு வர்த்தக ஒப்பந்தத்துக்கான (பிடிஏ) பேச்சுவார்த்தை தொடங்கப்பட்டது. வரும் செப்டம்பர்-அக்டோபர் மாதத்துக்குள் முதல் கட்ட வர்த்தக ஒப்பந்தத்தை இறுதி செய்ய காலக்கெடு நிர்ணயிக்கப்பட்டிருந்தது. அதற்கு முன்னதாக, இரு தரப்பினரும் ஒரு இடைக்கால வர்த்தக ஒப்பந்தத்தை இறுதி செய்ய இருந்தனர்.