விவசாயிகளின் வருவாயைப் பெருக்க ஊட்டச்சத்து வேளாண்மை இயக்கம்

முதல்வர் மு.க.ஸ்டாலின் தொடங்கி வைத்தார்

- 

சென்னை, ஜூலை 4: விவசாயிகளின் வருமானத்தை உயர்த்தும் வகையில் உருவாக்கப்பட்ட ஊட்டச்சத்து வேளாண்மை இயக்கத்திட்டத்தை முதல்வர் மு.க.ஸ்டாலின் தொடங்கி வைத்தார். சென்னை தலைமைச் செயலகத்தில் இருந்து காணொலி வழியாக புதிய திட்டத்தை அவர் வெள்ளிக்கிழமை தொடங்கி வைத்தார்.

இதுகுறித்து தமிழக அரசின் சார்பில் வெளியிடப்பட்ட செய்தி: ஊட்டச்சத்துகளை அளிப்பதில் காய்கறிகள், பழங்கள், பயறு வகைகள், சிறு தானியங்கள் பெரும் பங்காற்றுகின்றன. ஊட்டச்சத்து வழங்கும் விளை பொருள்களின் உற்பத்தியை அதிகரிப்பதுடன், விவசாயிகளின் வருமானத்தையும் உயர்த்தும் வகையில் ஊட்டச்சத்து வேளாண்மை இயக்கம் அறிவிக்கப்பட்டது.