திருச்சியில் நாளை முப்படையினர் குறைதீர் முகாம்

தமிழகம் முழுவதும் பாதுகாப்புத் துறையில் ஓய்வு பெற்ற முப்படையினருக்கான மாநில அளவிலான சிறப்பு குறைதீர் முகாம் திருச்சி மன்னார்புரம் அருகேயுள்ள ராணுவ மைதானத்தில் திங்கள்கிழமை நடைபெறுகிறது.

- 

திருச்சி, ஜூன் 28:

இதுதொடர்பாக பாதுகாப்புத் துறை கணக்குகள் கட்டுப்பாட்டாளர் ஜெயசீலன் திருச்சியில் சனிக்கிழமை செய்தியாளர்களிடம் கூறியதாவது: முப்படைகளில் பணியாற்றி ஓய்வு பெற்றவர்கள், குடும்ப ஓய்வூதியம் பெறுபவர்களுக்காக ஒரே இடத்தில் அனைத்து உதவிகளும் கிடைக்கும் வகையில் இந்த முகாம் நடத்தப்படுகிறது. உயிர் சான்று அடையாளம் காணுதல், ஓய்வூதியம் தொடர்ந்து கிடைப்பதற்குத் தேவையான உயிர் சான்றைப் புதுப்பித்தல், பெயர் மற்றும் இதர தகவல்களைத் திருத்துதல், ஓய்வூதியத் தொகையில் உள்ள முரண்களைச் சரிபார்த்து, சரியான தொகையை பெறும் வழிமுறைகளை மேற்கொள்ளலாம்.