புதுக்கோட்டையில் நாய்களை கட்டுப்படுத்துவதில் அலட்சியம்

சமூக ஆர்வலர்கள் புகார்

- 

புதுக்கோட்டை, மே 31: புதுக்கோட்டை மாவட்டத்தில் உள்ள அரசு மருத்துவமனைகளில் தினமும் ஒருவர் நாய்க்கடி சிகிச்சைக்கு அனுமதிக்கப்பட்டுவரும் நிலையில், நாய்களைக் கட்டுப்படுத்துவதில் மாவட்ட நிர்வாகம் அலட்சியப் போக்குடன் செயல்படுவதாக சமூக ஆர்வலர்கள் புகார் தெரிவிக்கின்றனர்.

புதுக்கோட்டை மாவட்டத்தில் கடந்த 2024-ஆம் ஆண்டில் மட்டும் 24,340 பேர் நாய்க்கடியால் பாதிக்கப்பட்டு மருத்துவமனையில் அனுமதிக்கப்பட்டுள்ளதாக சிவகங்கை மக்களவைத் தொகுதி உறுப்பினர் கார்த்தி ப. சிதம்பரம் தனது எக்ஸ் வலைதளத்தில் குறிப்பிட்டுள்ளார். இந்தத் தகவல் பரவலாக சமூக ஊடகங்களில் விவாதிக்கப்பட்டு வருகிறது.